VOV4.Jarai - Amăng mông Jơnum đơ đam dêh čar Klah čun bruă pơphun pơdŏng Ping gah thun 2021, pok pơhai bruă mă thun 2022, pơphun mơguah lơ 13/1, Ding kơna Ding jum kơđi čar, ding kơna git gai Ping gah dêh čar, Khua grŭp pơphun bruă Ping gah dêh čar ta yă Trương Thị Mai lăi rơđah: Amăng bruă klah čun pơhrŏ trun mơnuih mă bruă rơwang mơng thun 2016-2021, amra hmâo ba tơbiă kơ mơnuih mă bruă mơng glông bruă kơđi čar mơng thun 2021-2026. Pơhiăp amăng mông Jơnum, yă Trương Thị Mai lăi rơđah, thun 2022 lĕ thun hmâo bôh tŭ yua yôm phăn, jing jơlan ngă tui hơdôm tơhnal pơkă mơng Tơlơi pơtrun pơsit Jơnum tal 13 mơng Ping gah. Lăi rơđah bruă gir run pơphô brơi ngă tui hơdôm jơlan pơsir mơng Klah čun 21 kơ pơtrut kơtang pơdŏng, pơplih pơkra Ping gah hăng glông bruă kơđi čar, yă Trương Thị Mai brơi thâo pơ̆ anăp anai amra lăi pơthâo sa dua hơdră pơphô hlâo kơ hơdră pơtrun mơnuih apăn akô̆ ruah mă lăi pơthâo mơnuih apăn bruă amăng bruă pơkă pioh ruah, jao bruă ngă kơ-iăng khua./.

Siu H’ Prăk: Pơblang