Mơguah lơ 9/8, ƀơi plơi prong Nha Trang, tơring čar Khánh Hòa, Gong phun jua pơhiăp dêh čar Việt Nam, Grŭp pơtô bruă Ping gah dêh čar ta, Anom bruă kơđi čar Khul ling tơhan dêh čar Việt Nam – Ding jum khul ling tơhan hăng Jơnum min mơnuih ƀôn sang tơring čar Khánh Hòa pơphun Jơlan hơdră jơnum hăng mơnuih mă tơlơi pơhing phrâo lăi pơhing kơ Jơlan hơdră lăi pơthâo tơlơi adôh suang “Kơtang pơdrŏng mơ̆ng ia rơsĭ plơi pla”. Anai lĕ jơlan hơdră lăi pơthâo tơlơi adôh suang hmâo tơhnal lŏn ia kiăng pơtrut pran jua ư-ang, pơpŭ djuai ania pô, pran pơsit pơgang pô ia rơsĭ, bul ia rơsĭ Lŏn ia, hăng kiăng lăng glăi bôh tơhnal ngă tui Tơlơi pơtrun pơsit Jơnum tal 13 mơng Ping gah amăng hơdôm kual ia rơsĭ, bul ia rơsĭ akô̆ rơwang bruă truh ră anai.

Jơlan hơdră pơphun lơm 8 mông mơmot lơ 12/8 pơ̆ anăp hmâo 3 glông jơlan pơdah phun hăng anăn ñu: “Tâm thức biển”, "Việt Nam hướng tới giàu từ biển”, “Việt Nam hướng tới mạnh về biển”. Amăng mông jơnum hăng mơnuih mă tơlơi pơhing phrâo, ơi Phạm Mạnh Hùng, Kơ-iăng Khua Phun akha Gong phun jua pơhiăp dêh čar Việt Nam, Kơ-iăng Khua Grŭp črâo ba, Khua Grŭp pơphun Jơlan hơdră adôh suang “Pơdrŏng mơ̆ng ia rơsĭ plơi pla”; pơtŏng sit Việt Nam lĕ lŏn ia ia rơsĭ hăng tơlơi čang rơmang na nao kiăng wai lăng ia rơsĭ, đĭ pơdrŏng mơ̆ng ia rơsĭ hăng djă pioh tơlơi rơnuk rơnua ƀơi ia rơsĭ, kiăng pơtrut pran jua ư-ang, pơpŭ djuai ania, pran pơsit pơgang pô ia rơsĭ, bul ia rơsĭ Lŏn ia, pơđĭ tui tơlơi pơmin djă pioh hăng ngă tui tơhnal lu mơta mơ̆ng ia rơsĭ, bul ia rơsĭ Việt Nam./.