VOV4.Jarai - Ƀơi sang bruă Khua git gai pơ ala mơnuih ƀon sang dêh čar, Jơnum min gru grua pơtô hrăm mơng Ƀirô khua git gai pơ ala mơnuih ƀon sang Việt Nam pơphun Jơnum hơdră djru mơng kơnuk kơna kơ ƀing hlăk ai thun 2022 hăng anăn ñu “Pơtô pơjuăt bruă mă kơ hlăk ai”. Ƀơi mông jơnum, ƀing khua bơlăi nao hơdôm tơlơi akŏ phun kah hăng: Hơdôm hơdră djru mơng Ping gah, Kơnuk kơna kơ pơtô bruă brơi hlăk ai; bruă pơtô pơjuăt bruă kơ hlăk ai amăng plơi pla, hlăk ai ngă kông ñơn, hlăk ai ƀu hiam drơi jăn, hlăk ai djuai ƀiă, tơhan phrâo tơbiă, čơđai sang hră gưl anet prong; hơdră djru, pơtrut pơsur pơtô bruă kơ hlăk ai amăng hrơi blan hơmâo klin Covid-19 hăng hơkrŭ boh thâo tal 4, hrŏm hăng hơdôm bruă bơdjơ̆ nao pơkŏn dong. Mông jơnum ăt jing tơlơi gêh gal kiăng hlăk ai lăi pơthâo tơlơi gơñu kiăng, rơkâo đĭ hăng ƀing khua, anom apăn bruă kơ bruă pơtô pơjuăt bruă kơ hlăk ai. Mơng anun, djru hơdôm anom bruă kơnuk kơna thâo rơđah hăng pơsir brơi, gum pơđĭ tui tơlơi thâo pơmin mơng hlăk ai hăng abih bang mơnuih kơ hơdră djru pơhrăm bruă.

Siu H’Mai: Pơblang