VOV4.Jarai - Mơguah lơ 28/4, ƀơi Hà Nội, Khul git gai pơjing akŏ bruă “Lăng glăi 10 thun ngă tui tơlơi pơtrun gơnong glông 8 tal 11 kơ hơdră wai pơgang dêh čar amăng rơnuk phrâo pơphun Jơnum hruă kjăp hăng pơphun lăng glăi 10 thun ngă tui tơlơi pơtrun gơnong glông 8 tal 11 kơ hơdră wai pơgang lŏn ia rơnuk phrâo. Khua mir sir ơi Nguyễn Xuân Phúc lăi rơđah: Tơlơi pơtrun gơnong glông 8 tal 11 kơ hơdră wai pơgang lŏn ia amăng rơnuk phrâo lĕ sa tơlơi pơtrun prong amăng dêh čar ta.

Khua mir sir ơi Nguyễn Xuân Phúc lăi pơtong: Tơlơi pơtrun gơnong glông 8, tal 11 hơmâo ba tơbiă hluai tui hơdôm tơlơi găn rơgao, mơng tơlơi pơmĭn hăng tơlơi sit nik amăng 30 thun pơplih phrâo lŏn ia, hơmâo tŏ tui 10 thun ngă tui tơlơi pơtrun gơnong glông 8, tal 9 kơ hơdră wai pơgang lŏn ia amăng rơnuk phrâo. Tơlơi pơtrun anai kiăng pơdah hơdră bruă pơplih phrâo amăng tơlơi git gai mơng Ping gah hăng pran gơgrong wai pơgang lŏn ia amăng rơnuk phrâo.

Siu Đoan: Pơblang