VOV4.Jarai - Mơguah lơ 11/8, Khua dêh čar ơi Phạm Minh Chính git gai Jơnum Khua dêh čar hăng anom bơwih ƀong thun 2022 hăng anăn “Ngă bruă kiăo tui tơlơi pơplih, rŭ glăi tañ hăng pơđĭ kyar hơđong”. Jơnum anai hơmâo pơphun lăng mơng ataih kơplah wah Sang bruă Kơnuk kơna hăng Jơnum min mơnuih ƀon sang 63 boh tơring čar, ƀon prong.

Pơhiăp ƀơi mông jơnum, Khua dêh čar ơi Phạm Minh Chính lăi, yua anom bơwih ƀong dưi ngă bruă kiăo tui tơlơi pơplih, pơđĭ kyar hơđong kơjăp djru akŏ pơdong sa Việt Nam pơdrong asah, kơjăp kơtang, Kơnuk kơna, Khua dêh čar lêng gum hrŏm, lăng ba, pơhmư̆ djŏp tơlơi pơgôp hiăp, rơkâo đĭ mơng khul grup, anom bơwih ƀong, laih dong kiăng anom bơwih ƀong, mơnuih bơwih ƀong djă bong kơjăp tơlơi đăo gơnang, gum pơgôp nao rai, gơgrong mă bruă, găn rơgao tơlơi tơnap.

Siu H’Mai: Pơblang