VOV4.Jarai - Mơguah hrơi pơgi, lơ 29/5, ƀơi Sơn La pơphun Jơnum Khua dêh čar pơhiăp tom mơnuih ngă hmua Việt Nam thun 2022 hăng anăn “Pơtrut pran, djru ba mơnuih ngă hmua; ngă bruă pơđĭ kyar bruă ngă hmua, plơi pla hơđong kơjăp”. Mông jơnum hơmâo pơphun bưp ƀơi anăp ƀơi Sơn La hăng lăng mơng ataih amăng tivi hăng 62 anih. Amăng anun hơmâo 300 čô mơnuih ngă hmua rơgơi pơ ala brơi 12 klăk ding kơna mơnuih ngă hmua amăng dêh čar.

Tơdron lăk Tây Bắc, plơi prong Sơn La.

Anai jing mông jơnum prong kiăng pô pơ ala brơi mơnuih ngă hmua, anom ngă ƀong hrŏm, anom bơwih ƀong prong, hơdôm khul grup, mơnuih mơnam, ƀing kơhnâo kơhnăk apăn bruă hmua, plơi pla amăng dêh čar lăi pơthâo glăi hăng Kơnuk kơna, Khua dêh čar kơ hơdôm tơlơi tơnap amăng bruă pơđĭ kyar ngă hmua, mơnuih ngă hmua, plơi pla. Pơphun brơi bruă jơnum anai, mơmot lơ 28/5 pơphun Jơnum Festival boh troh hăng gơnam OCOP Việt Nam thun 2022 ƀơi Tơdron lăk Tây Bắc, plơi prong Sơn La.      

Siu H’Mai: Pơblang