Ƀơi mông jơnum anai, ƀing khua mua pơ ala ping gah pơčrong sai pơtrut tui pơsir hơdôm hơdră pơđĭ kyar bơwih ƀong huă mơnuih mơnam, pơdah thâo hơdôm bruă man pơdong hăng pơplai prăk kăk čan kơ bruă čar pioh man pơdong ring bruă phun, đing nao hơdôm kơčăo bruă mơ̆ng 3 hơdră dêh čar pơtrun, hơdră rŭ glăi bơwih ƀong huă hăng pơđĭ kyar bơwih ƀong huă mơnuih mơnam, bruă mă duh glăi lŏn sang đang hmua lơ̆m čuk jơlan rơdêh đuăi hmar Ƀuôn Ma Thuôt-Khánh Hòa.

Pơtrut kơtang bruă mă pơgang tơlơi rơnuk rơnua dêh čar, ngă kjăp bruă pơgang plơi pla, kơđi čar kiăng mơnuih mơnam hơđong. Pơhiăp amăng mông jơnum Khua git gai ping gah tơring čar Dak Lak, ơi Nguyễn Đình Trung rơkâo: pơ anăp anai, djop gưl ping gah, gong gai kơnuk kơna, djop anom bruă khom kiăo tui tong ten bruă mă kơđi čar mơ̆ng tơring čar pơtrun, ăt pơblih phrâo, pơđĭ tui boh tŭ yua amăng bruă git gai, pơčrâo trun, pel ĕp, pơtrut pơsur pran jua ngă tui hơdrôm hră pơtrun mơ̆ng gơnong dlông, mơ̆ng tơring čar.