5 thun laih rơgao, mah bưp lu tơlơi tơnap tap yua klin Covid-19, samơ̆ djop mơta bruă mă mơng Khul mơnuih bum mơta Việt Nam lêng kơ djơ̆ hăng hơnong pơkă ba tơbiă, ngă tui pran gơgrong lĕ sang dŏ hơdip hrăm kơ rơbêh 74 rơbâo čô ding kơna. Rơwang thun 2022-2027, Khul mơnuih bum mơta Việt Nam amra tŏ tui kơtưn amăng pel ĕp, sem lăng, pơphô bruă brơi kơ Ping gah, kơnuk kơna hơdôm hơdră bruă bơdjơ̆ nao mơnuih drơi jăn ƀu klă; pok prong hơdôm hơbô̆ bruă bơwih ƀong, hơmâo lu dong bruă mă, hrưn đĭ klă dong tơlơi hơdip kơ mơnuih bum mơta.

Nao jơnum hăng đĭ pơhiăp amăng mông jơnum, Khua khul pơtô ba mơnuih ƀon sang dêh čar Bùi Thị Minh Hoài rơkâo djop gưl tŏ tui pok pơhai hơdôm hơdră bruă mơng Ping gah hăng Kơnuk kơna tơl rĭm čô ding kơna: pok pơhai bruă pơtô boh hră, bruă mă, hrưn đĭ thâo rơgơi ƀiă dong brơi kơ ƀing apăn bruă amăng khul. Sit biă ñu, đing nao lu ƀiă dong hơdôm grup ƀơi ƀon lan kual ataih, asuek, kual tơnap tap.