VOV4.Jarai - Jơnum khua pơ ala Đah kơmơi đơ đam dêh čar tal 13, rơwang bruă 2022-2027 amra pơphun mơng lơ 9 truh kơ lơ 11/3/2022. Anai lĕ rơwang bruă blung a ngă tui Bruă pơđĭ kyar Khul pơlir hơbit đah kơmơi Việt Nam truh thun 2030, tơhnal lăng nao truh thun 2035. Anai lĕ tơlơi pơhing dưi hmâo Khul pơlir hơbit đah kơmơi Việt Nam brơi thâo amăng mông jơnum hăng mơnuih čih tơlơi pơhing mơguah lơ 1/3 ƀơi Hà Nội. Hăng anăn ñu “Ngă tui gru grua, gum hrom hơbit, pơčeh phrâo, yua kơ tơlơi pơdrong asah mơng lŏn ia”, Jơnum khua pơ ala Đah kơmơi đơ đam dêh čar tal 13 amra pơsit bruă đah kơmơi hăng bruă mă Khul pơlir hơbit đah kơmơi Việt Nam rơwang bruă 2017-2021, ba tơbiă tơhnal pơkă, jơlan gah bruă mă, hơdôm bruă pơplih phrâo amăng rơwang bruă 2022-2027 hăng ruah tơbiă Grŭp mă bruă Khul pơlir hơbit đah kơmơi Việt Nam tal 13. Pơkă hlâo, jơnum hmâo 1.000 čô khua pơ ala sit nik lĕ ƀing đah kơmơi mơbruă, pơ ala brơi hơdôm khul đah kơmơi, djop djuai ania, khul đăo hăng hơdôm bruă mă pha ra amăng đơ đam dêh čar nao pơhmư̆./.

Siu H’ Prăk: Pơblang