Nao pơhmư̆ mông jơnum hmâo 178 čô khua pơ ala lĕ mơnuih apăn bruă, mơnuih amăng khul hlăk ai, tơdăm dra mơbruă pơ ala brơi rơbêh kơ 151.000 hlăk ai đơ đam tơring čar Dak Nông. Rơwang bruă 2024-2029, hăng bôh pia “Hlăk ai Dak Nông gum hrŏm hơbit – ba jơlan hlâo – čang rơmang – pơđĭ kyar”, Khul pơlir hơbit hlăk ai dêh čar Việt Nam tơring čar Dak Nông pok pơhai dong lu jơlan pơdŏng pơjing hlăk ai hmâo tơlơi pơmin ngă hơkrŭ, gơgrong kơjăp, hmâo pran jua khăp kơ lŏn ia, lăng yôm bruă gơgrong hăng plơi pla, lŏn ia, mơnuih mơnam.

Khul hlăk ai Dak Nông pơjing anih anom, ngă brơi bruă pơhrăm, mă bruă, pơdơi pơdă kiăng hlăk ai pơđĭ kyar klă, pơhlôm, ba jơlan hlâo, thâo gum djru, pơčeh phrâo amăng pơgang Lŏn ia hăng pơđong pơđĭ kyar bơwih ƀong mơnuih mơnam./.