VOV4.Jarai- Lơ 14/4, Khul apăn bruă Ping gah tơring čar Gia Lai pơphun Jơnum tal 7  (pok prong). Tui lăi pơthâo amăng mông jơnum, tơlơi bơwih ƀong huă-mơnuih mơnam rơwang tal I thun 2022 ƀơi tơring čar Gia Lai glăk hơkrŭ glăi, pơđĭ kyar. Sit biă ñu, rơnoh pơđĭ kyar mơng sĭ mơdrô gơnam tam amăng dêh čar GRDP dưm dưm rơbêh 7%, pơhrui ngăn drăp kơnuk kơna rơbêh 1.660 klai prăk, rơnoh pơhrui mơng sĭ mơdrô pơ tač rơngiao rơwang tal I truh pơ 200 klăk đôlar Mi, đĭ 25% pơhmu tui tơđar thun hlâo.

Mông mă bruă mơng Khul apăn bruă Ping gah Gia Lai tal 7

Hơdôm rơnoh mơng pơkra pơjing gơnam, sĭ mơdrô lêng kơ đĭ pơhmu tui tơđar thun hlâo. Jơnum tŭ ư, pơ anăp anai, tơring čar đing nao pok pơhai hơdôm hơdră bruă ngă gêh gal kiăng hơkrŭ glăi, pơđĭ kyar bơwih ƀong huă, pơhlôm tơlơi hơdip mơda; khut khăt dong amăng pơplih ngă hmua tui hơdră pơplih phun pla, mă yua boh thâo phrâo; pơtrut man pơdong plơi pla phrâo anăp nao dơlăm, tŭ yua dong; kơtưn wai lăng lŏn mơnai; pơtrut pơđĭ kyar tuh tia pơkra pơjing, djru anom bơwih ƀong sĭ mơdrô pơtrut tañ tuh pơ alin, pơplih bruă ngă hră pơ-ar.

Siu Đoan: Pơblang