VOV4.Jarai - Tom brơi (4/3) ƀơi plơi prong Phú Quốc, tơring čar Kiên Giang, Ding jum pơtom hiăp dêh čar Việt Nam pơphun jơnum klah čun 20 thun bruă kah pha pŏng gong guai kơplah wah Việt Nam - Kur kiăng kơ lăng glăi hơdôm boh tơhnal pơčrông sai ba glăi tơlơi tŭ ư hrŏm. Jơnum yua Khua ding jum pơtom hiăp ơi Bùi Thanh Sơn git gai, hrŏm hăng ƀing khua mua pơ ala djop ding jum, gơnong bruă hăng Khua mua 10 boh tơring čar ha guai hăng dêh čar Kur ăt nao jơnum hrŏm mơn. Ding kơna Ding jum kơđi čar, kơ-iăng khua dêh čar ơi Phạm Bình Minh nao jơnum hăng git gai mông jơnum.

Đĭ pơhiăp amăng mông jơnum, Kơ-iăng khua dêh čar ơi Phạm Bình Minh git gai Ding jum pơtom hiăp hăng djop ding jum, gơnong bruă , gong gai ƀon lan bơdjơ̆ nao ngă klă bruă wai lăng guai lŏn ia, pơhlôm hơđong kjăp gong guai lŏn ia djơ̆ hăng hơdôm hră pơ-ar kĭ pơkôl , kiăng pơgôp amăng pơtrut pơđĭ kyar bơwih ƀong huă mơnuih mơnam pơlir hăng bruă pơhlôm rơnuk rơnua lŏn ia, pơjing guai lŏn ia dua bơnah rơnuk rơnua hăng pơđĭ kyar hơđong kjăp.

Siu Đoan: Pơblang