VOV4.Jarai - Mơguah lơ 21/2, ƀơi Sang mă bruă Khua pơ ala mơnuih ƀôn sang dêh čar, Khua git gai wai lăng pơ ala mơnuih ƀôn sang dêh čar ta, ơi Vương Đình Huệ hăng ƀing Kơ-iăng Khua git gai wai lăng pơ ala mơnuih ƀôn sang dêh čar ta git gai mông Jơnum klah čun bruă Khul pơ ala mơnuih ƀôn sang hơdôm bôh tơring čar, ƀôn prong kual Pơngŏ dêh čar thun 2021 hăng pok pơhai kơčăo bruă mă thun 2022. Kiăng hơkrŭ pơsir hơdôm tơlơi tơnap lom mă bruă mơng Khul pơ ala mơnuih ƀôn sang hơdôm gưl amăng hơdôm hrơi rơgao hăng pơđĭ tui bôh tơhnal bruă mă mơng Khul pơ ala mơnuih ƀôn sang hơdôm gưl pơplih phrâo dong jơlan gah, hơdră pơphun bruă mă, pơđĭ tui anô̆ kơjăp bruă mă mơng Khul pơ ala mơnuih ƀôn sang hluai tui pơplih phrâo Tơlơi pơtrun pơsit Jơnum tal 13 mơng Ping gah, Tơlơi pơtrun pơsit Khua git gai wai lăng pơ ala mơnuih ƀôn sang, Kơnuk kơna, Tơlơi pơtrun pơsit ping gah tơring čar, ƀôn prong hăng tơlơi phiăn mơng Kơnuk kơna, Khul pơ ala mơnuih ƀôn sang pok pơhai ba glăi bôh tơhnal bruă “Pơđĭ tui anô̆ kơjăp, bôh tơhnal bruă mă mơng Khul pơ ala mơnuih ƀôn sang hơdôm gưl rơwang bruă 2021-2026” kiăng Khul pơ ala mơnuih ƀôn sang sit nik jing ƀirô hmâo tơlơi dưi kơnuk kơna ƀơi plơi pla, pơ ala kơ pran jua, tơlơi čang rơmang hăng tơlơi dưi ngă pô mơng mơnuih ƀôn sang./.

Siu H’ Prăk: Pơblang