Amăng hrơi blan rơgao, tơring čar Gia Lai hơmâo gir run čih pơkra tơlơi phiăn hăng pok pơhai lu hơdră bruă amăng djop mơta bruă đing nao phun anun lĕ ngă hmua, pơtô pơjuăt, tuai čuă ngui hăng prăk kak. Lu anom bơwih ƀong sĭ mơdrô hơmâo mă yua boh thâo phrâo amăng bruă jŭ yap jai điện tử, mơ-it hră duh prăk điện tử, duh prăk mơ-it mơng ataih. Hơdôm gơnam đang hmua, OCOP amăng tơring čar kah hơmâo ba sĭ mơdrô amăng plang sĭ mơdrô điện tử….

Amăng jơnum bơkơtuai, ƀing khua mua hơmâo pơčrông sai kơ sa, dua bruă bơdjơ̆ nao tơlơi sit nik hăng tơlơi rơkâo mơng gơnam tam, hơdră yua boh thâo phrâo amăng pơđĭ kyar bruă đing nao phun amăng tơring čar Gia Lai; tơlơi rơkâo amăng pơplih yua boh thâo phrâo mơng anom bơwih ƀong sĭ mơdrô anet hăng gap ƀrô; gơnam ki-ốt gah bruă ia jrao rơgơi; yua boh thâo phrâo pơlir hơbit sĭ mơdrô gơnam đang hmua.