VOV4.Jarai - Mơguah lơ 22/4, ƀơi Hà Nội, tui tơlơi git gai mơng Khua git gai Ping gah ơi Nguyễn Phú Trọng, Ding jum kơđi čar, Khul git gai Ping gah pơphun jơnum đơ đam dêh čar kiăng kơ hruă kjăp, pok pơhai ngă tui tơlơi pơtrun mrô 13 - NQ/TW lơ 2/4/2022 mơng Ding jum kơđi čar tal XIII kơ hơdră pơđĭ kyar bơwih ƀong huă - mơnuih mơnam, pơhlôm hơđong ƀơi kual lŏn dăo ia krông Cửu Long truh thun 2030, anăp nao thun 2045.

Khua git gai Ping gah ơi Nguyễn Phú Trọng

Jơnum kiăng kơ hruă kjăp, pok pơhai ngă tui tơlơi pơtrun mrô 13 tơl hơdôm ding jum, gơnong bruă, anom bruă, pơmĭn kjăp, gơgrong, gir run amăng bruă kođi čar mơng djop gưl Ping gah, khul grup Ping gah, anom bruă, ƀing apăn bruă, hlăk ai kiăng kơ ngă tui khut khăt, tŭ yua hơdôm tơlơi pơtrun mơng Ding jum kơđi čar. Hlâo anun, amăng mông jơnum mơng Ding jum kơđi čar, Khua git gai Ping gah ơi Nguyễn Phú Trọng lăi rơđah: kiăng hơmâo tơlơi pơtrun, pơsit tong tơlơi gơgrong, tơlơi yôm phăn mơng kual bơwih ƀong kual lŏn dăo ia krông Cửu Long.

Siu Đoan: Pơblang