Jơnum dưi tô nao rai mơ̆ng ataih (4 gưl) mơ̆ng anih mă bruă Gong gai dêh čar truh hơdôm ding jum, gơnong bruă, hơdôm bôh tơring čar, ƀôn prong, hơdôm anih anom gưl tơring glông, gưl să. Tơdơi kơ hmư̆ tơlơi gum pơhiăp, klah čun mông jơnum Khua dêh čar ta ơi Phạm Minh Chính lăi rơđah tơlơi pơmin črâo ba lĕ kơnong kơ črông lô kơ ngă tui ƀu črông lô glăi dong tah, ngă rah mă rah tơlơi găn rơgao pok prong ƀơƀrư̆, ƀu ngă rơgao đơi ôh, ƀu hăt đơi, ƀu lăi ƀu dưi, ƀu lăi tơnap, ƀu lăi hmâo mơ̆ ƀu ngă.

Gah tơhnal ba tơbiă Khua dêh čar lăi rơđah, rim mơnuih Việt Nam yap wot mơnuih akă hmâo Hră pơgang gah ia jrao leng kơ hmâo sa hră tơlơi suaih pral điện tử amăng anăn VneID. Truh akô̆ thun 2025, 100% anom bruă ia jrao (kơnuk kơna hăng mơnuih ƀôn sang) hăng hmâo 40 klăk čô mơnuih ƀôn sang mă yua Hră tơlơi suaih pral điện tử hăng 100% mrô mơnuih ƀôn sang hmâo tơlơi kiăng dưi pơsit hră čih hrơi tơkeng, plơi pla tui tơlơi phiăn hluai tui VneID./.