VOV4.Jarai - Mơguah lơ 4/7, ƀơi Hà Nội, Anom bruă khua mir sir gum hrŏm hăng Ding jum kông ang, Ding jum pơtom hiăp hăng Anom bruă pơsir kơđi tơlơi dêh čar pơphun jơnum hăng ƀing mă tơlơi pơhing lăi pơthâo tơlơi pơtrun pơsit kơ bruă brơi tơbiă sang krư̆ hlâo hrơi pơkă thun 2022 mơng Khua mir sir dêh čar Cộng hòa xã hội chủ nghĩa Việt Nam amăng lơ 2/9 pơ anăp.

Tui anun, ƀing mơnuih arăng brơi tơbiă sang krư̆ hlâo hrơi pơkă thun anai hơmâo mơnuih glăk mă krư̆ tui hrơi pơkă, ƀing mơnă krư̆ tui kơđi sui thun amra hrŏ trun thun dŏ sang krư̆, ƀing mơnă glăk mă krư̆ jang jai. Hrơi blan amra dŏ sang krư̆ kiăng kơ dưi pơsit tơbiă sang krư̆ hlâo hrơi pơkă dong mơng lơ 31 blan 8 thun 2022. Lăi pơthâo brơi abih bang mơnuih arăng brơi tơbiă sang krư̆ măng tal anai, Thiếu tướng Nguyễn Văn Long, Kơ-iăng khua ding jum kông ang brơi thâo, lơ̆m brơi tơbiă sang krư̆ kiăng ngă tui tơlơi pơkă yua anun aka ƀu hơmâo thâo tong ten mrô mơnuih arăng amra brơi tơbiă. Lơ̆m pơsit brơi tơbiă sang krư̆ hlâo hrơi pơkă, abih bang mơnuih dŏ sang krư̆ lêng bơkơnar tơdah dưm djơ̆ tơlơi pơkă amra brơi tơbiă tañ ƀiă.

Siu Đoan: Pơblang