Tơdơi kơ hmư̆ hơdôm tơlơi gum pơhiăp, klah čun mông mă bruă Khua dêh čar ta, ơi Phạm Minh Chính lăi rơđah, dưm dăp anih anom mă bruă čar gưl tơring glông, gưl să djru đing nao ngăn rơnoh, ngă tui tơhnal gal, bôh tŭ yua, pơjing tơhnal gal ngă tui ngăn rơnoh lŏn drŏn, tơlơi ayuh hyiăng glai klô, mơnuih mă bruă hăng ngă pơhưč tuh pơplai.

Pơ̆ anăp anai, Khua dêh čar ta rơkâo đing nao git gai, črâo ba sa dua bruă mă phun amăng anun črâo rơđah, đing nao ngă klă bruă lăi pơhing, pơjing tơlơi djơ̆ hrŏm prong gah tơlơi pơmin, tơlơi tŭ ư hrŏm amăng hơdôm gưl mơnuih ƀôn sang ƀơi plơi pla, khom pok pơhai ngă tui hmâo akô̆ tlôn, tŏng ten, gir pơsur, pơtrut, pơjing pran pơlir hrŏm amăng abih bang glông bruă kơđi čar, tơlơi djơ̆ hrŏm, dŏng yua mơng mơnuih ƀôn sang. Khom hmâo tơlơi gum hrom kơjăp, bruă gơgrong hăng gum hrom kơjăp mơng hơdôm Ding jum, gơnong bruă dêh čar ta hăng tơring čar, ƀôn prong, biă ñu gưl Ping gah, gong gai ƀơi hơdôm tơring čar, ƀôn prong ƀơi hơdôm bôh tơring čar ƀôn prong ngă tui bruă dưm dăp./.