Pơhiăp ƀơi mông jơnum, Khua dêh čar ơi Phạm Minh Chính brơi thâo, lơ̆m rơnuk anai hơmâo lu dêh čar bưp tơlơi tơnap tap amăng bruă pơgăn anŏ pơblih ayuh hyiăng lŏn tơnah, yua kơ anun hơdôm dêh čar pơkŏn hơmâo tơlơi pơmin kơdŭn glăi hĭ ngă tui bruă ƀuăn rong ƀơi mông jơnum COP 26. Khă tui anun, pơđĭ kyar mơtah mơda, pơblih yua ia săng jing apui lơtrik hơdjă rơgoh, đah mơ̆ng pơhrŏ ƀiă anŏ ngă dơluh đĭ asăp, jing bruă khom ngă, ƀu dưi pơkơđai glăi ôh, anai lĕ boh yôm phun pơčrong sai amăng mông jơnum COp 28.

Khua dêh čar ơi Phạm Minh Chính lăi pơtong, bruă ngă tui tơhnal pơkă, tơlơi ƀuăn mơ̆ng Việt Nam ƀơi mông jơnum COP26 kiăng ngă tui khut khăt hloh, gir run biă mă, pơtumlu bruă mă, mơnuih mơnam gum hrŏm ngă tui djop kơčăo bruă. Khua dêh čar pơtrun hiăp kơ djop sang bruă bơwih ƀong huă sĭ mơdrô, jar kmard brơi pơblih apui yua hăng hơdôm tơlơi mơ̆ ding kơna amăng Khul git gai  pơčrâo ba, djop ding jum, anom bruă, tơring čar khom đing nao, pơhlôm brơi bruă ngă tui djop, tŭ yua djop tơlơi jơnum hơmâo lăi nao.