VOV4.Jarai  - Tŏ tui mông jơnum lok 11, hrơi anai lơ 12/5, Jơnum min apăn bruă git gai pơ ala mơnuih ƀon sang dêh čar pơgôp hiăp kơ bruă pơdah thâo kơ Khua mua git gai pơ ala mơnuih ƀon sang sem lăng, pơsit tuh pơ plai Jơlan bĕ 4 kual plơi prong jưh jom Hà Nội; Kơčăo bruă jơlan bĕ 3 ƀon prong Hồ Chí Minh. Kơčăo bruă jơlan bĕ 4 plơi prong jưh jom Hà Nội glông 112,8 km hăng prăk tuh pơ plai 85 rơbâo 813 klai prăk. Tơlơi kiăng mă yua lŏn mơng kơčăo bruă anai năng ai 1 rơbâo 341 ektar. Glông jơlan bĕ amăng plơi prong 4 hơmâo čuk pơkra klă, prong mơng 90 truh 135m. kơnuk kơna jao kơ Jơnum min mơnuih ƀon sang ƀon prong Hà Nội gơgrong bruă jing anom bruă pơtruh nao rai ngă kơčăo bruă, pơhlôm djơ̆ hrŏm. jơlan bĕ jum dar mrô 3 ƀon prong Hồ Chí Minh hơmâo prăk tuh pơ plai rơbêh 75 rơbâo 300 klai prăk găn nao ƀon prong HCM, Đồng Nai, Bình Dương, Long An glông giăm 92km. Bruă pơkra hơmâo amăng hơdôm kơčăo bruă phun mơng Dêh čar, hơmâo ngă mơng thun 2022 truh 2027.

Siu H’Mai: Pơblang