VOV4.Jarai - Tŏ tui mông jơnum lok 9, mơguah lơ 24/3, Jơnum min apăn bruă git gai pơ ala mơnuih ƀon sang dêh čar sem lăng lăi pơthâo glăi boh than blung a mơng grup wai lăng akŏ bruă “Bruă ngă tui hơdră djru, tơlơi phiăn kơ bruă pơkrem, pơgăn prai prăk kăk, ngăn hơdrăp rơwang thun 2016-2021” hăng pơsit ruah anih mă bruă, tơring pơphun wai lăng. Akŏ bruă “Bruă ngă tui hơdră djru, tơlơi phiăn kơ pơkrem, pơgăn prai ngăn rơwang thun 2016-2021” amra djru yôm biă amăng bruă pơkrem prăk kăk, pơkrem mơnuih mă bruă, plai ƀiă rơngiă pran. Yua hnun, bruă pơsit tơlơi yôm phun hăng hơdră wai lăng rơđah hăng rim ding jum, anom bruă, plơi pla; pơsit bruă ƀuh nam prai ngăn hơdrăp, tơña bruă, thâo krăn djŏp nam ngă soh anai jing hơdôm tơlơi hơmâo kư tri hăng mơnuih ƀon sang lăp đing nao hăng krăp lăng sŭ. Ăt amăng lơ 24/3 mơn, Jơnum min apăn bruă git gai pơ ala mơnuih ƀon sang dêh čar sem lăng, pơsit tơlơi pơtrun bruă tơña ƀing khua ƀơi mông jơnum lok 9.

Siu H’Mai: Pơblang