VOV4.Jarai - Mơguah lơ 10/3, Jơnum min apăn bruă Khua pơ ala mơnuih ƀôn sang dêh čar pok pơhai mông jơnum tui tơđar tal 9. Lăp đing nao, amăng mông jơnum anai, Jơnum min apăn bruă Khua pơ ala mơnuih ƀôn sang amra pioh 1 hrơi mă bruă kiăng pơphun bruă mă tơña pơkă hlâo amăng lơ 16/3. Anai lĕ mông tơña blung a mơng Jơnum min apăn bruă Khua pơ ala mơnuih ƀôn sang dêh čar ta tal 15. Kiăo tui anun, amra hmâo 2 ƀut tơlơi dưi tơña gah bruă sĭ mơdrô hăng kông ngăn lŏn mơnai hăng rơhuông adai. Bơdjơ̆ nao bruă sĭ mơdrô, bôh yôm tơña đing nao tơlơi bơwih ƀong huă, blơi mut gơnam tam, blơi ia xăng, ia jâu; bruă git gai pơkă nua ia xăng ia jâu hơdôm hrơi rơgao. Gah bruă kông ngăn lŏn mơnai hăng rơhuông adai, bôh yôm tơña đing nao bruă ngă tui tơlơi pơtrun pơsit kơ tơña hăng lăng tui bruă mă mơng Khua pơ ala mơnuih ƀôn sang bơdjơ̆ nao pơkă kual lŏn, wai lăng, mă yua lŏn drŏn ƀơi plơi prong./.

Siu H’ Prăk: Pơblang