Sit biă ñu, amăng mơguah, Jơnum min apăn bruă Khua pơ ala mơnuih ƀôn sang dêh čar bơkơtuai kơ črăn tơlơi pơtrun mơng Ƀirô Khua pơ ala mơnuih ƀôn sang dêh čar kơ ngă tui hơdră pơsir bơdjơ̆ nao gơnam bơdjơ̆ nao, kông ngăn lơm pel ĕp kơđi, ƀom kiơng, pơsir hĭ hơdôm bruă ngă soh; sem lăng bruă ruah khua mua; pơgôp hiăp kơ bruă prap lui Jơnum lok 8, Khua pơ ala mơnuih ƀôn sang dêh čar tal XV. Amăng yang hrơi tlam, Jơnum min apăn bruă Khua pơ ala mơnuih ƀôn sang dêh čar pơgôp hiăp kơ črăn tơlơi phiăn anih djă pioh hăng prap lui hrơi mông bơkơtuai kơ sa, dua boh tơhnal pơkŏn dong.

Khua git gai pơ ala mơnuih ƀôn sang dêh čar ơi Trần Thanh Mẫn lăi pơtong jơnum lok 8 him lăng bruă mă lu biă mơ-it nao Khua pơ ala mơnuih ƀôn sang dêh čar sem lăng, pơsit tong lu hloh mơng akŏ rơwang tal XV truh ră anai. Khua pơ ala mơnuih ƀôn sang dêh čar sem lăng 39 boh tơhnal, amăng anun hơmâo 29 boh tơhnal kơ bruă čih pơkra tơlơi phiăn, 10 grup boh tơhnal kơ bơwih ƀong huă-mơnuih mơnam, ngăn drăp kơnuk kơna, krăo lăng hăng tơlơi pơtrun hơdôm bruă akŏ phun phara tui tơlơi glăm ba.