VOV4.Jarai - Tŏ tui hơdôm hrơi jơnum pơgôp hiăp amăng tơlơi phiăn blan 8, hrơi anai (17/8), Jơnum min apăn bruă Khua pơ ala mơnuih ƀon sang dêh čar pơgôp hiăp amăng črăn tơlơi pơtrun hơdôm tơlơi pơkă amăng jơnum Khua pơ ala mơnuih ƀon sang dêh čar (čih pơkra glăi) kiăng kơ pơgôp pơtrut bruă mă mơng Khua pơ ala mơnuih ƀon sang dêh čar jai hrơi klă ƀiă dong hăng hrưn đĭ tŭ yua mơng hơdôm tal jơnum Khua pơ ala mơnuih ƀon sang dêh čar. Ƀing khua mua ăt tŭ ư djă pioh hơdôm tơlơi pơkă glăk mă yua anun lĕ mông đĭ pơhiăp sui hloh mơng khua mua lĕ ƀu rơgao 7 mơnit kiăng kơ ngă gêh gal brơi khua mua gơgrong prap lui hơdôm boh tơhnal, pơhlôm lăp djơ̆ kiăng khua mua dưi lăi pơthâo djop boh tơhnal bơkơtuai. Samơ̆, pô git gai dưi pơplih mă mông đĭ pơhiăp mơng khua mua kiăng pơhlôm lăp djơ̆, tŭ yua hloh.

Siu Đoan: Pơblang