VOV4.Jarai - Mơguah lơ 15/8, ƀơi Ƀirô mă bruă, pơphun Jơnum kơ bruă gah tơlơi phiăn blan 8 mơng Jơnum min apăn bruă Khua pơ ala mơnuih ƀon sang dêh čar. Amăng mông jơnum anai, Jơnum min apăn bruă Khua pơ ala mơnuih ƀon sang dêh čar pơgôp hiăp amăng lu boh tơhnal yôm phăn prap lui jơnum lok 4, Khua pơ ala mơnuih ƀon sang dêh čar tal 15. Kơ bruă čih pơkra tơlơi phiăn, Jơnum min apăn bruă Khua pơ ala mơnuih ƀon sang dêh čar hơmâo pơgôp amăng 3 črăn tơlơi phiăn him lăng amra mơ-it nao Khua pơ ala mơnuih ƀon sang dêh čar pơgôp hiăp tal blung a amăng jơnum lok 4 pơ anăp anai, hơmâo: Črăn tơlơi phăn wai pơgang tơlơi dưi brơi mơnuih blơi yua gơnam tam (čih pơkra glăi); Črăn tơlơi phiăn pơgang gah dân sự, črăn tơlơi phiăn pơgang, pơgăn mơ-it yua prăk hơgŏm. Jơnum min Khua pơ ala mơnuih ƀon sang dêh čar ăt pơgôp hiăp kơ bruă lăi pơthâo, tŭ mă tơlơi pơgôp, čih pơkra 5 črăn tơlơi phiăn him lăng mơ-it Khua pơ ala mơnuih ƀon sang dêh čar sem lăng, tŭ yap mă yua amăng Jơnum lok 4 anai hơmâo: Črăn tơlơi phiăn ia jâo hyuh (čih pơkra glăi); tơlơi phiăn pơgang, pơgăn taih amăng sang anŏ(čih pơkra glăi); Tơlơi phiăn pel ĕp (čih pơkra glăi); Tơlơi phiăn ngă pô ƀơi ƀon lan; tơlơi phiăn čih pơkra, pơhrua sa, dua črăn amăng tơlơi phiăn Tần số vô tuyến điện.

Siu Đoan: Pơblang