VOV4.Jarai - Mơguah lơ 15/8, ƀơi Sang mă bruă Khua pơ ala mơnuih ƀôn sang, Pok phun mông jơnum tui akô̆ bruă Tơlơi phiăn blan 8 mơng Jơnum min apăn bruă Khua pơ ala mơnuih ƀôn sang dêh čar ta. Pơhiăp amăng mông pok phun jơnum, Khua git gai wai lăng pơ ala mơnuih ƀôn sang dêh čar ta ơi Vương Đình Huệ brơi thâo: Amăng 4 hrơi mă bruă, Jơnum min apăn bruă Khua pơ ala mơnuih ƀôn sang dêh čar ta gum pơhiăp amăng 11 rơwang bruă tơlơi phiăn, phiăn pơtrun hăng Tơlơi pơtrun pơsit.

Anih jơnum

Tơdơi kơ mông ngă lơphet pok phun, Jơnum min apăn bruă Khua pơ ala mơnuih ƀôn sang dêh čar ta bơkơtuai kơ tơlơi kiăng mă yua Phiăn pơtrun kơ pơsir tơlơi ngă soh hăng tơlơi ngă gun bruă ƀom kiơng. Khua git gai wai lăng pơ ala mơnuih ƀôn sang dêh čar ta ơi Vương Đình Huệ pơsit, bruă ngă tui tơlơi phiăn hmâo lu rơnoh bruă, samơ̆ bưp ƀu ƀiă tơlơi gun, tơlơi tơnap. Khua git gai wai lăng pơ ala mơnuih ƀôn sang dêh čar ta rơkâo ƀirô čih pơkra khom rơđah bôh yôm anai. Hrom hăng anun, ngă rơđah bruă phak tơhmal dlông hloh hăng sa dua bruă ngă gun tơlơi ƀom kiơng amăng hình sự./.

Siu H’ Prăk: Pơblang