Pok phun mông jơnum, Khua git gai wai lăng pơ ala mơnuih ƀôn sang dêh čar ta ơi Trần Thanh Mẫn lăi rơđah: 10 rơwang bruă tơlơi phiăn dưi gum pơhiăp amăng mông jơnum anai gah lu bruă dưi hmâo mơnuih mơnam đing nao, kah hăng Tơlơi phiăn khul mut phun (pơplih pơkra glăi); Tơlơi phiăn mă jia gơnam tam (pơplih pơkra); Tơlơi phiăn gru grua bôh thâo đưm (pơplih pơkra), Tơlơi phiăn pơkă kual plơi prong hăng pơkă kual plơi pla, Tơlơi phiăn pơgang, pơgăn apui ƀong hăng pơtlaih mơnuih hmâo tơlơi truh. 

Khua git gai wai lăng pơ ala mơnuih ƀôn sang dêh čar ta biă ñu đing nao lăi rơđah, Ding jum kơđi čar phrâo mă yua Tơlơi pơkă 178 kơ wai lăng tơlơi dưi pơgang, pơgăn tơlơi hưp ƀong kông ngăn, tơlơi ngă soh amăng bruă čih pơkra tơlơi phiăn, rơkâo ƀing ding kơna amăng Jơnum min apăn bruă Khua pơ ala mơnuih ƀôn sang dêh čar pơdah rơđah tơlơi pơmin, tơlơi tơpă, ƀu bĕ hơdôm bôh yôm tañ bơdjơ̆ nao, amuñ hmâo tơlơi hưp mă hơdră bruă. Hrŏm hăng anun brơi thâo akô̆ thun 2025 amra pơphun Bơkơtuai tơlơi phiăn, kiăng črông lô dơlăm hloh, tŏng ten hloh pioh pơđĭ tui anô̆ klă ñu, mut dơlăm amăng bruă čih pơkra tơlơi phiăn./.