VOV4.Jarai - Mơguah anai, ƀơi Ƀirô mă bruă, Jơnum min apăn bruă Khua pơ ala mơnuih ƀon sang dêh čar pơphun mông tơña hăng lăi glăi mơng 2 čô khua ding kơna Kơnuk kơna. Hlâo kơ mông tơña, mơnuih ƀon sang čang rơmang tơdơi kơ mông tơña anai Kơnuk kơna amra hơmâo hơdră bruă lăp djơ̆, hơđong nua sĭ ia săng, ia jâu pơ anăp anai kah hăng hơdôm hơdră bruă kiăng pơgăn tơlơi ngă soh đĭ nua sĭ mơdrô lŏn mơnai. Amăng bruă bơwih ƀong, sĭ mơdrô ia săng, ia jâu; bruă wai lăng nua sĭ mơdrô ia săng, ia jâu pơ anăp anai lĕ sa amăng 2 mơta bruă hơmâo Jơnum min Khua pơ ala mơnuih ƀon sang dêh čar ruah kiăng kơ tơña Khua ding jum tuh tia pơkra pơjing hăng sĭ mơdrô ơi Nguyễn Hồng Diên. Tơlơi gơgrong hăng hơdră bruă kiăng pơgăn ngă soh lơ̆m đĭ nua lŏn mơnai rơgao tui tơlơi pơkă ră anai kiăng kơ pơtrut đĭ nua lŏn hơdôm kual jum dar …lĕ bruă Khua pơ ala mơnuih ƀon sang dêh čar amra tơña Khua ding jum wai lăng rơhuông adai lŏn mơnai Trần Hồng Hà. Mông tơña hăng lăi glăi hơmâo pơphun ƀơi Sang jơnum Diên Hồng, Ƀirô Khua pơ ala mơnuih ƀon sang dêh čar hăng hơmâo pơdah lăng nao rai amăng tivi hăng 63 grup khua mua ƀơi djop tơring čar, ƀôn prong amăng đơ đam dêh čar.

Siu Đoan: Pơblang