VOV4.Jarai - Tŏ tui hơdôm hrơi jơnum lok 8, amăng mông bruă mă mơguah lơ 16/2, Jơnum min apăn bruă Khua pơ ala mơnuih ƀon sang dêh čar tŭ ư hăng bruă ba tơbiă tơlơi pơtrun bruă mă, tơlơi glăm ba hăng pơplih mơng Khul pơphun bruă kơ khua mua pơ ala mơnuih ƀon sang kiăng kơ djơ̆ hăng tơlơi rơkâo phrâo amăng bruă pơphun, tŭ yua dong bruă mă mơng Khua pơ ala mơnuih ƀon sang dêh čar, djop anom bruă amăng Ƀirô Khua pơ ala mơnuih ƀon sang dêh čar.

Mông jơnum

Jơnum min apăn bruă Khua pơ ala mơnuih ƀon sang dêh čar brơi thâo, bruă pơhrua dong bruă mă, tơlơi dưi tui hăng pơ glông amăng črăn tơlơi pơtrun lĕ lăp djơ̆ hăng tơlơi sit nik hăng tơlơi rơkâo hăng bruă mă mơng ƀing mơnuih apăn bruă. Laih dong tŭ hăng tơlơi rơkâo mơng Khul pơphun bruă mă mơng khua mua git gai amăng boh tơhnal bruă jao anai tui tơlơi pơkă amăng tơlơi phiăn. Ƀing ding kơna amăng Jơnum min apăn bruă Khua pơ ala mơnuih ƀon sang dêh čar ăt rơkâo, pơhrua sa, dua boh tơhnal bruă mă, pơphun ngă tui hơdôm bruă wai lăng mơnuih apăn bruă hăng ƀing khua mua pơ ala mơnuih ƀon sang.

Siu Đoan: Pơblang