VOV4.Jarai-Mơguah lơ 22/3, ƀơi sang khua pơ ala mơnuih ƀôn sang dêh čar, Jơnum min apăn bruă git gai phun pơ ala mơnuih ƀôn sang dêh čar mă bruă amăng 3 hrơi dơ̆ng. Lăp gleng nao, Jơnum min apăn bruă phun pơ ala mơnuih ƀôn sang dêh čar amra sem glăi, pơsit hơdôm hră pơtrun pơkă rơnoh mă jua pơgang ayuh hyiăng anih hơdip jum dar hăng ia săng, ia jâo, ia luil truh abih lơ 31/12/2022. Lơ 13/3 phrâo rơgao, Kơnuk kơna pơsit hră pơtrun rơnoh mă jia bruă pơgang ayuh hyiăng anih hơdip jum dar hăng ia săng, ia jâo, ia luil truh abih lơ 31/12/2022 pioh pơdah kơ Jơnum min apăn bruă phun pơ ala mơnuih ƀôn sang dêh čar pơtong glăi.

Tui hăng anun, him lăng pơhrŏ mă jia pơgang ayuh hyiăng anih hơdip jum dar hăng ia săng rơnoh 2000 prăk lơ̆m sa lit; ia jâo diesel, ia jâo mazut, ia luil lĕ 1000 prăk lơ̆m sa lit; ia luil kong 1000 prăk sa kg; ia apui tŭi 700 prăk sa lit. Amăng mơguah lơ 22/3, Jơnum min apăn bruă phun pơ ala mơnuih ƀôn sang dêh čar pơgôp hiăp kơ bruă pơdah thâo, čih pioh, pơkra glăi 2 kơčăo bruă tơlơi phiăn, anun lĕ: Tơlơi phiăn sĭ mơdrô hră pơhlôm nua čih pơkra glăi hăng Tơlơi phiăn ngă phim sima čih pơkra glăi; pơgôp hiăp kơ Hră pơtrun mơ̆ng Khua pơ ala mơnuih ƀôn sang dêh čar brơi lông ngă lăng pơphun bruă mă, pơtô brơi bruă mă, pơhrăm bruă kơ ƀing mơnă ƀu krư̆ kơđol.

Nay Jek: Pơblang