VOV4.Jarai-Ăt amăng mông jơnum pơčrông sai sa hnong bruă pơkra tơlơi phiăn blan 8, mơguah lơ 18/8, abih bang ding kơna nao jơnum, Jơnum min apăn bruă phun pơ ala mơnuih ƀôn sang dêh čar hơmâo pơsit hĭ Hră pơtrun Bơtơhmal tơlơi ngă soh hăng bruă mă mơ̆ ngă gun hơdră pơsir kơđi tơlơi soh. Hră pơtrun anai hơmâo čih rơđah bruă ngă gun tơlơi tơgŭ hơduah ĕp hăng pơsir kơđi kah hăng bruă lăi pơthâo tơlơi soh, ba tơlơi pơhing mơnuih soh, bruă ngă soh glăi tơlơi hơmâo sit nik; bruă ngă lăi pơthâo tơlơi pơhing kơđi hlăk ĕp lăng; bruă ngă pơgăn anom bruă kơnuk kơna, mơnuih apăn bruă kơnuk kơna, pơgăn mơnuih ƀôn sang ngă hrom djru ĕp hăng pơsir kơđi….

Hră pơtrun Bơtơhmal tơlơi soh đŭ prăk yua bruă ngă gun hĭ hơdră pơsir kơđi tui tơlơi pơkă hlơi ngă khua, mơnuih apăn bruă kơnuk kơna, ling tơhan mơnuih ƀôn sang, kông an mơnuih ƀôn sang, mơnuih ngă bruă gah anom bruă yôm gah kơnuk kơna ngă sa bruă pơgăn lơ̆m ĕp lăng pơsir kơđi, ƀudah hlăk sem lăng kơđi tơlơi soh amra tŭ tơlơi bơtơhmal ƀu djơ̆ đŭ prăk ôh, khom ngă ngă tui tơlơi phiăn pơkă pơsir tơlơi soh mơnuih ngă bruă kơnuk kơna ƀudah tui hăng tơlơi pơkă pơkŏn hơdôm tơlơi phiăn pơdjơ̆ nao kơ tơlơi soh ngă gun bruă ĕp kơđi.

Nay Jek: Pơblang