VOV4.Jarai-Ăt amăng hơdră jơnum lok 9, lơ 15/3, Jơnum min apăn bruă git gai pơ ala mơnuih ƀôn sang dêh čar hmư̆ 2 grup hyu ĕp lăng bruă mă, lăi pơthâo “Bruă ngă tui hơdôm hră pơtrun mơ̆ng Jơnum min git gai pơ ala mơnuih ƀôn sang dêh čar brơi dăp glăi anom bruă kơnuk kơna gưl tơring glông, să” hăng “Bruă ngă tui tơlơi phiăn tŭ jum mơnuih ƀôn sang hăng pơsir hră tơgŭ kơđi, jăm kơđi”. 3 thun rơgao, đơ đam dêh čar hrŏ trun 3.437 boh sang bruă gưl să hăng 429 boh anom bruă gưl tơring glông; hrŏ hĭ 706 čô mơnuih ngă khua, apăn bruă kơnuk kơna gưl tơring glông. 9.694 čô khua apăn bruă, mơnuih mă bruă gưl să hăng 8.448 čô mơnuih mă bruă apah ƀu hơđong gưl să.

Mơ̆ng thun 2019-2021 hơmâo pơkrem hĭ prăk pơplai kơ bruă čar rơbêh 2 rơbâo klai, mơ̆ng anun pơhrua nao dơ̆ng bruă pơtrut tui pơđĭ kyar bơwih ƀong huă mơnuih mơnam, ngă tui hơdră lui rơmŏn kŏn rin, man pơdong plơi pla phrâo, djru hrom ngă tui sa hnong jơlan hơdră tơlơi phiăn kơnuk kơna pioh djru kơ mơnuih ƀôn sang. Bruă pơsir tơgŭ kơđi hăng hră jăm kơđi mơ̆ng mơnuih ƀôn sang brơi ƀuh, mrô mơnuih nao pơ anih ngă bruă kơnuk kơna kiăng tơgŭ kơđi, rơkâo đĭ, jăm kơđi tơlơi soh lu tui; mrô mơnuih jai lu, lu phung khul grup ngă kơđi, samơ̆ kơđi gah tơlơi dưi sang bruă kơnuk kơna pơsir lĕ hrŏ tui.

Nay Jek: Pơblang