VOV4.Jarai - Tŏ tui jơlan hơdră jơnum lok 14 mơng Jơnum min apăn bruă pơ ala mơnuih ƀon sang dêh čar, hrơi anai (11/8) Jơnum min khua apăn bruă pơ ala mơnuih ƀon sang dêh čar pơgôp hiăp kơ boh tơhan wai lăng akŏ bruă “Bruă ngă tui tơlơi phiăn pơkrem prăk, pơgăn prai prăk khưi khai rơwang thun 2016-2021”. Kơ-iăng khua git gai pơ ala mơnuih ƀon sang ơi Trần Quang Phương brơi thâo, anai jing bruă wai lăng tơnap, bơdjơ̆ nao lu bruă yôm phun gah tơlơi bơwih ƀong, djơ̆ nao djŏp mơta tơlơi hơdip mơda mơnuih ƀon sang...Yua hnun, bruă pơsit rơđah phun tơhnal, črâo rơđah tơlơi gơgrong bruă mơng rim anom bruă, hơjăn pô amăng bruă pơtrun hăng pơphun ngă tui tơlơi phiăn pơkrem, pơgăn prai prăk khưi khai yôm biă mă. Mơng anun, ba tơbiă hơdră pơsir bruă tŭ yua, pơgăn prai prăk, mă yua prăk thâo pơkrem, laih anun ngă pơgiong tơlơi pơtrun, tơlơi phiăn bơdjơ̆ nao.

Siu H’Mai: Pơblang