VOV4.Jarai - Ƀrô hrơi jơnum lok 3, Ƀirô khua git gai pơ ala mơnuih ƀon sang dêh čar tal 15 pơphun ƀơi plơi prong jưh jom Hà Nội, Jơnum min djuai ania hơmâo pơphun bưp khua mua pơ ala mơnuih ƀon sang dêh čar lĕ ding kơna măng Khul wai lăng Djuai ania. Ƀơi mông bưp, Khua ding jum Jơnum min wai lăng djuai ania Hầu A Lềnh hơmâo lăi pơthâo hăng khua mua kơ bruă wai lăng djuai ania, hơdră djru hăng mơnuih ƀon sang djuai ƀiă laih anun hơdôm bruă glăk hơmâo ƀing khua pơ ala mơnuih ƀon sang, mơnuih ƀon sang lăp đing nao. Tui anun, ră anai, Jơnum min djuai ania git gai, hơmâo pơkra 38 akŏ bruă, hơdră djru djuai ania ƀiă đah mơng pơsit brơi tơlơi pơtrun, jơlan hơdră ngă bruă mơng Ping gah, Tơlơi pơtrun mơng Khua mua git gai pơ ala mơnuih ƀon sang, tơlơi git gai mơng Kơnuk kơna hăng Khua dêh čar, gơñăm nao pơđĭ kyar bơwih ƀong huă - mơnuih mơnam, pơđĭ kyar mơnuih mă bruă djuai ania ƀiă, hơdră djru hăng mơnuih ană plơi pla đăo gơnang...Biă ñu, jơlan hơdră dêh čar pơđĭ kyar bơwih ƀong huă - mơnuih mơnam kual mơnuih ƀon sang djuai ƀiă hăng čư̆ siăng kriang pơtâo thun 2021-2030, Khua ding jum, Khua wai lăng Jơnum min djuai ania Hầu A Lềnh pơtŏng, anai lĕ jơlan hơdră ngă bruă prong mơng Ping gah, Kơnuk kơna kơ ngă klă hơdră djru djuai ania ƀiă, kiăng pơsir hĭ hơdôm tơlơi tơnap tap, aka ƀu klă đah mơng dưi ngă jơlan hơdră anai.

Siu H’Mai: Pơblang