Amăng mông jơnum, Khua Ding jum, Khua Jơnum min djuai ania, ơi Hầu A Lềnh pơtŏng sit, rơngiao hơdôm bôh yôm bơdjơ̆ nao Jơlan hơdră pơkă mơ̆ng dêh čar pơđĭ kyar bơwih ƀong-mơnuih mơnam kual neh wa djuai ania ƀiă hăng kual čư̆ siăng rơwang mơ̆ng thun 2021-2030, ră anai Jơnum min djuai ania dô̆ pok pơhai lu bôh yôm pơkon kah hăng: Hơdră bruă pioh kơ mơnuih hmâo arăng đăo gơnang; Akô̆ bruă "hrŏ trun đut hlah tơlơi pơdô̆ rơkơi bơnai mơ̆ng muai, pơdô̆ giăm drah kơtăk amăng kual djuai ania ƀiă”; Akô̆ bruă “Djru tơlơi dưm kơnar bơnai hăng rơkơi kual djuai ania ƀiă rơwang mơ̆ng thun 2018-2025”; Ngă tui sa dua mơta Tơlơi pơtrun pơsit mơ̆ng Gong gai dêh čar kơ bruă djuai ania ...

Ăt tui hăng Khua Ding jum, Khua Jơnum min djuai ania, ơi Hầu A Lềnh mơn, Tơlơi pơtrun pơsit 88 mơ̆ng Khua pơ ala mơnuih ƀôn sang hmâo črâo rơđah 8 bruă mă phun amăng bruă djuai ania, amăng anun hmâo bruă ngă tui truh kih Jơlan hơdră pơkă mơ̆ng lŏn ia pơđĭ kyar bơwih ƀong-mơnuih mơnam kual djuai ania ƀiă hăng kual čư̆ siăng, 7 bruă mă dô̆ glăi yôm phăn biă, ƀu dưi lui lơi ôh./.