VOV4.Jarai - Tŏ tui mông jơnum lok 9, mơguah lơ 15/3, Jơnum min khua apăn bruă pơ ala mơnuih ƀon sang dêh čar tŭ ư pơhrua tui prăk kơnuk kơna mơng prăk djru ƀu kiăng tla glăi mơng čar rơngiao thun 2020; pơhrua tui prăk kơ kơnuk kơna prăk djru ƀu kiăng tla glăi mơng čar rơngiao thun 2021 kiăng pơhlôm djơ̆ hăng tơlơi pơkă, mrô prăk mă yua. Ƀơi mông jơnum, Khua git gai pơ ala mơnuih ƀon sang ơi Vương Đình Huệ brơi thâo, tui hăng Tơlơi phiăn Prăk Kơnuk kơna, rim mrô prăk djru ƀu kiăng tla glăi tơdah ngă rơngiă, prai ča čot lĕ yua anom bruă wai lăng yơh gơgrong. Khua git gai pơ ala mơnuih ƀon sang dêh čar lăi mrô prăk djru ƀu kiăng tla glăi khŏm jŭ yap, pơƀut glăi, laih anun tơlơi anai yua Ƀirô khua pơ ala mơnuih ƀon sang gơgrong ngă. Khua git gai pơ ala mơnuih ƀon sang dêh čar ăt kiăng kah phara vaccine covid-19 mơng đuăi mơng prăk djru,  laih anun pơmut amăng bruă jŭ yap prăk kăk kơnuk kơna.  Hrơi anai, lơ 16/3, Jơnum min khua apăn bruă pơ ala mơnuih ƀon sang dêh čar pioh 1 hrơi jơnum tơña hăng lăi glăi mơng khua mua pơ ala mơnuih ƀon sang hăng 2 čô ding kơna mơng Kơnuk kơna ta. Khua ding jum pơkra gơnam sĭ mơdrô Nguyễn Hồng Diên hăng Khua ding jum Kông ngăn lŏn tơnah hăng ayuh hyiăng Trần Hồng Hà amra lăi glăi ƀơi mông tơña blung a mơng Jơnum min khua apăn bruă pơ ala mơnuih ƀon sang tal 15.

Siu H’Mai: Pơblang