VOV4.Jarai - Tŏ tui hơdôm hrơi jơnum tal 10, hrơi anai Jơnum min apăn bruă Khua pơ ala mơnuih ƀon sang dêh čar  pơgôp hiăp amăng črăn tơlơi phiăn pơgang, pơgăn taih amang sang anŏ (čih pơkra glăi). Črăn tơlơi phiăn pơgang, pơgang taih amang sang anŏ (čih pơkra glăi) pơkă hơdôm tơlơi amăng pơgang, pơgăn taih amang sang anŏ; hơdôm hơdră pơgang, pơgăn, gum djru hăng pơsir djơ̆ hăng tơlơi phăn amăng pơgang, pơgăn taih amang sang anŏ; tơlơi gơgrong mơng anom bruă, khul grup, sang anŏ, ƀing mơnuih lơ̆m ngă tui tơlơi phiăn pơgang, pơgăn taih amang sang anŏ. Črăn tơlơi phiăn hơmâo pơplih tal anai amra mă yua brơi ƀing bơnai, rơkơi pơklaih laih ƀudah hơdip hrŏm kar hăng rơkơi bơnai samơ̆ aka ƀu ngă hră pơ-ar. Črăn tơlơi phiăn ăt pơkă hơdôm tơlơi kŏm anun lĕ: Kơtư̆ juă, pơsur ngă sat, djru brơi arăng ngă hơdôm bruă bơdjơ̆ nao taih amang sang anŏ. Pơgang brơi bruă ngă soh amăng taih amang sang anŏ. Pơdah ƀuh brơi arăng hơdôm rup rap, tơlơi pơhing ƀu djơ̆ amăng djop mơta tơlơi.

Siu Đoan: Pơblang