Ƀơi plơi prong Buôn Ma Thuột, ră anai hmâo rơbêh kơ 60 bôh ƀirô čih tơlơi pơhing phrâo, anom bruă pơ ala kơ bruă mă, hăng rơbêh kơ 300 čô mơnuih čih tơlơi pơhing phrâo, mơnuih gum bruă glăk gum hrŏm. Pơhiăp amăng mông bưp, ơi Vũ Văn Hưng, Khua Jơnum min mơnuih ƀôn sang plơi prong Buôn Ma Thuột djă pioh, hơdôm bôh ƀirô čih tơlơi pơhing phrâo hmâo kiăo tui bôh nik tơlơi hơdip mơda, pơsur pran jua, lăi nao dơlăm, pơsit rơđah gru hơdôm bôh tơhnal dưi ngă amăng lu bruă jao pơđĭ kyar bơwih ƀong – mơnuih mơnam, pơhlôm pơgang lŏn ia rơnuk rơnua plơi pla.

Kơnong kơ Ƀirô gŏng phun jua pơhiăp dêh čar Việt Nam pơdŏng ƀơi kual Dap Kơdư hmâo gum hơgôp klă hăng bruă pơđĭ kyar bơwih ƀong, mơnuih mơnam, pơhlôm pơgang lŏn ia rơnuk rơnua plơi pla mơ̆ng Buôn Ma Thuột lăi ha jăn, tơring čar Dak Lak lăi hrŏm. Hrŏm hăng anun, lăi pơhing, lăi pơhưč gru rup gal, kơtang, bôh thâo đưm, gru grua phara mơ̆ng plơi prong Buôn Ma Thuột truh kơ lu mơnuih ƀôn sang, tuai čuă ngui, gơyut gơyâu amăng lŏn ia hăng jar kơmar./.