Khua Jơnum min pơphô bruă mƀs rơkâo hăng lăng tui mơ̆ng Khua pơ ala mơnuih ƀôn sang dêh čar Dương Thanh Bình git gai mông jơnum. Kiăng hơdră pơplih phrâo tum djop hơdôm hơdră pơtrun, hơdră bruă phrâo mơ̆ng Ping gah kơ dưm dăp, rơbô̆t glông bruă mă amăng glông bruă kơđi čar, ngă tui hơdră dua gưl, rơwang bruă Tơlơi phiăn pơplih pơkra pơhrua nao sa dua mơta tơlơi amăng tơlơi phiăn ruah khua pơ ala Khua pơ ala mơnuih ƀôn sang dêh čar hăng Khua pơ ala Khul khua pơ ala mơnuih ƀôn sang hmâo pel ĕp, dưm dăp pioh pơplih pơkra, pơhrua nao hơdôm bôh yôm bơdjơ̆ nao ƀơi 48 amăng mrô 98 mơta tơlơi amăng Tơlơi phiăn mă yua ră anai.

Anăp nao pơplih pơkra đing nao hơdôm tơlơi pơkă hmâo bơdjơ̆ nao bruă pơphun bruă gong gai dua gưl, dưm dăp hrơi mông ngă tui, hră pơ-ar ruah khua, hrŏm hăng anun pơkĕ hrŏm pơplih pơkra, pơhrua nao sa dua tơlơi pơkă bơdjơ̆ nao bruă ruah khua pơ ala Khua pơ ala mơnuih ƀôn sang dêh čar hăng khua pơ ala Khul pơ ala mơnuih ƀôn sang./.