Tơdơi kơ dăp glăi, Khánh Hòa dŏ glăi 246 boh sang hră pơtô hrăm kơnuk kơna pơdong, hrŏ trun 482 boh sang hră, dưm dưm hăng hrŏ trun 66%. Lu sang hră hơmâo pơphun tui hơbô̆ bruă sang hră phun, sang hră čơƀeng, sang hră anet pơdong amăng plơi pla, anun yơh ngă mrô sang hră, anih hrăm, čơđai sang hră ƀơi sa boh sang hră lu hloh kơ mơ̆ng hlâo.

Klah čun mông ngă bruă, Kơ-iăng khua ding jum pơtô hăng pơjuăt ơi Phạm Ngọc Thưởng kiăng Jơnum min mơnuih ƀôn sang tơring čar hăng anom bruă pơtô hrăm Khánh Hòa lăng glăi, pơphun aset tui bruă jơnum, pơplông ƀu kiăng đơi, kiăng ƀing nai pioh lu mông pơtô čơđai pơ sang hră. Anom bruă pơtô hrăm kiăng jao bruă, jao tơlơi gưi kơtang hloh, pơplih hơdră wai lăng. Hăng sang hră prong, kiăng mă yua hră pơ-ar, tơlơi pơhing hăng boh thâo măi mok djru wai lăng, plai ƀiă glêh tơnap wai lăng hră pơ-ar kơ sang hră./.