VOV4.Jarai-Lơ 1/3, ƀơi sang bruă khua pơ ala mơnuih ƀôn sang dêh čar, Jơnum min Tơlơi phiăn mơ̆ng Sang bruă khua pơ ala mơnuih ƀôn sang dêh čar jơnum abih bang lok pă, pơgôp hiăp kơ Hră pơtrun pơkă ngă tui akŏ klôn, hơdră sem lăng mơ̆ng Sang phat kơđi pơsit ba mơnuih gơñ hot jrao ma túy djop 12 thun truh gah yŭ 18 thun nao pơ anih hrăm añ gơñ. Tui hăng Tơlơi phiăn Pơhlôm, pơgang mă túy lĕ tơlơi dưi pơtrun brơi ba mơnuih mơ̆ng 12-18 thun nao hrăm añ gơñ hot jrao pơ sang bruă kơnuk kơna pơgô̆ wai lăng yua kơ sang phat kơđi mơnuih ƀôn sang tơring glông dưi sem lăng hăng pơsit.

Samơ̆, hơdră ngă hră pơar, akŏ klôn pơsit anai aka ƀu rơđah rơđong đơi ôh. Tơlơi phiăn pơhlôm, pơgang ma túy hơmâo čih rơđah, Jơnum min apăn bruă phun pơ ala mơnuih ƀôn sang dêh čar pơkă kơ tơlơi pơtrun akŏ klôn, hơdră ngă hră pơar jao kơ sang phat kơđi sem lăng, pơsit bruă ba mơnuih mơ̆ng djop 12 thun truh gah yŭ 18 thun khom nao hrăm añ gơñ hot jrao ƀơi sang bruă kơnuk kơna pơgô̆ nao hrăm añ, tơlơi anai kiăng biă mă.

Nay Jek: Pơblang