Hơmâo pơphun prong hloh, hăng giăm 1.000 čô mơnuih, Tal pơplông THACO Marathon kiăng pơhlôm rơnuk rơnua amăng jơlan glông kiăng pơtrut bơrơguăt drơi jăn tui gru Wa Hô kiăng khăp; pơtô pơblang, lăi pơthâo, rang kơđiăng lơ̆m đuăi rơdêh amăng jơlan glông; pơtô glăi gru grua ngă hơkrŭ, lăi pơthâo gru grua yôm lŏn ia hăng kơčong čư̆ 1015 (Čư̆ Charlie) hăng kơčong čư̆ 1049 (čư̆ Delta).

Tal anai, keh prăk gum tơngan kiăng pơhlôm rơnuk rơnua amăng jơlan glông mơng hră pơhing wai lăng jơlan glông jao 25 anung gơnam nua ñu 2 klăk rĭm anung gơnam brơi rĭm boh sang anŏ, ƀing sang anŏ mơnuih hơmâo tơlơi truh yua đuăi rơdêh amăng jơlan glông sang anŏ tơnap tap; jao 200 đôn brơi kơ Khul wai lăng jơlan glông tơring čar Kon Tum.