VOV4.Jarai - Jơnum bơkơtuai hăng anăn “Kơtưn pran gơgrong mơng mơnuih mơnam ngă tui bruă wai lăng amăng pơgang ba tơlơi dưi mơng akan hơdang hăng tơlơi pơkă hŭi hyu mă akan hơdang ča čot” yua kơ Anom bruă akan hơdang gum hrŏm hăng Khul mơnuih hyu mă akan hơdang Việt Nam hăng Jơlan hơdră pơđĭ kyar Sang gum hơbit djop dêh čar, Keh prăk wai lăng ayuh hyiăng rơhuông adai rŏng lŏn tơnah - Jơlan hơdră djru hơdôm akŏ bruă anet pơphun mơguah (9/6) ƀơi tơring čar Quảng Ngãi. Amăng mông jơnum, ƀing mơnuih wai lăng, gong gai ƀon lan hăng mơnuih hyu mă akan hơdang pơlăi nao rai tơlơi găn rơgao ngă tui bruă wai lăng hrŏm pơgang tơlơi dưi mơng akan hơdang hăng ngă tui tơlơi pơkă hŭ kơ hyu mă akan hơdang ča čot amăng kual ia rơsĭ. Amăng anun, djop khul grup mơnuih mơnam gơgrong amăng bruă wai pơgang tơlơi dưi mơng akan hơdang pơlir hăng bruă krăp lăng pơgăn hyu mă akan hơdang ča čot. Đĭ pơhiăp amăng mông jơnum, ơi Trần Đình Luân, Khua anom bruă akan hơdang pơsit tong, mơnuih mơnam kiăng gơgrong amăng bruă wai lăng, pơgang kual ia rơsĭ lăi phara hăng wai pơgang anih mă akan hơdang amăng kual ia rơsĭ hnun mơn.

Siu Đoan: Pơblang