Đĭ pơhiăp amăng mông jơnum, Khua dêh čar ơi Phạm Minh Chính lăi pơtong, ƀing ta hơmâo hmư̆ sa, dua tơlơi pơgôp tơpă, sit nik hăng tơlơi rơkâo mơng hơdôm anom bơwih ƀong sĭ mơdrô, anom bruă tuh pơ alin. Sit biă ñu, hmư̆ Kơ-iăng khua dêh čar Khač ơi Lưu Quốc Trung đĭ pơhiăp, amăng anun hơmâo tơlơi črâo ba, hơdră bruă pơtrut tơlơi rô nao rai sĭ mơdrô, tuh pơ alin kơplah wah dua bơnah.

Khua dêh čar rơkâo djop ding jum: Hơmâo Ding jum kơčăo bruă hăng tuh pơ alin, sĭ mơdrô hăng tuh tia pơkra pơjing hăng hơdôm anom bruă bơdjơ̆ nao mơng Việt Nam ječ ameč pơƀut glăi, tŭ mă abih hơdôm tơlơi pơgôp hiăp kiăng pel ĕp, pơgiong hră pơ-ar, tơlơi phiăn, pơplih tuh pơ alin bơwih ƀong sĭ mơdrô; laih dong, rơkâo djop ding jum, anom bruă bơdjơ̆ nao dua bơnah ječ ameč pel ĕp, pơgiong hơdôm tơlơi pơsit, hơdră ngă hrŏm kiăng ngă gêh gal brơi anom bơwih ƀong sĭ mơdrô lăi hrŏm, amăng anun hơmâo anom bơwih ƀong sĭ mơdrô dêh čar Khač.