VOV4.Jarai-Mơguah lơ 10/5, ƀơi Hà Nội, hơdôm rơtuh čô čơđai sang hră nao jơnum hrom hmư̆ tơlơi jak iâu anăn “Hrơi jơnum kơ ayuh hyiăng hăng ƀơk pri Blan lăi ƀu yua ôh kơdung kơsu yua sa wơ̆t”. Thun hlâo, anom bruă tơlơi pơhing pôr pơthâo kơ ayuh hyiăng anih hơdip jum dar, Ding jum Kông ngă ayuh hyiăng ngă hrom Gơnong bruă Pơtô hăng Pơjuăt ƀôn prong Hồ Nội, anom bruă ia tơsâo Nestle Milo Việt Nam pok pơhai tŭ yua hơdră ngă “Blan lăi ƀu yua ôh kơdung kơsu mă yua kơnong sa wơ̆t” laih anun tal pơplông pơčeh phrâo kơ ayuh hyiăng anih hơdip jum dar anăn “Yua kơ anih ngui hiam Việt Nam hok mơak hăng hiam klă mơtah mơda”.

Mông jơnum jak iâu “Hrơi mơak pơgang ayuh hyiăng” thun 2022

Khul khua mua pơphun tơlơi pơplông hơmâo tŭ mă rơbêh 3 rơbâo tơlơi pơplông mơ̆ng 500 boh sang hră amăng dêh čar. Hơdôm črăn hơdră pơtô hrăm kơ ayuh hyiăng pơgang anih hơdip jum dar, hơdôm bruă mă pơplông kač rup, bruă mă pơblih djah pioh mă gơnam, hơdôm bruă mă pơkra ming mơ̆ng kơđuh djah arăng lui laih amăng sang anŏ pơkra ming gơnam yua pơkŏn, pơhưč lu čơđai sang hră djop gưl ngă tui.

Nay Jek: Pơblang