Jing bruă ngă pok blung brơi kơ sa wơ̆t hrơi tơjuh sang bruă mơdrô anet hăng man ƀrô ƀơi Lâm Đồng hăng akŏ ñu “Pơblih mơdua mơtah hăng ba yua mrô”, Jơnum anai hơmâo lu mơnuih khua mua, git gai wai lăng, ƀing rơgơi kơhnâo hrŏm hăng 100 čô khua sang bruă mơdrô anet hăng man ƀrô ƀơi Lâm Đồng.

Jơnum anai, kiăng djru ba sang bruă mơdrô pơđĭ tơlơi thâo hluh, tơlơi pơmin, thâo hluh ten anŏ tŭ yua pơdjơ̆ nao anih dŏ jum dar, khul mơnuih mơnam hăng bruă git gai wai lăng sang bruă mơdrô tui ESG ră anai jing bruă khom ngă. Tơring čar Lâm Đồng ră anai, hơmâo 30.000 sang bruă mơdrô, lu kơ hnơ̆ng anet hăng man ƀrô, anih sĭ mơdrô pơ tač rơngiao lĕ kual ASIA lu hloh truh 60%; kual Mi kô̆ 26%; dŏ glăi lĕ kual pơkŏn. Ƀing mơnuih rơgơi kơhnâo lăi lĕ, kiăng nao pơ ataih hloh djop sang bruă mơdrô ƀơi Lâm Đồng ƀu dŏ glăi amăng tơlơi ră ruai “Hơmâo gơnam pioh ba sĭ ôh” khom anăp nao “Hơmâo gơnam pơkra ming djơ̆ lăp anŏ kiăng ƀơi anih sĭ mơdrô, hơmâo mrô rơnoh čih pioh kiăng lăi nao, hơmâo glông bruă git gai wai lăng pioh sem lăng hăng hơmâo tơlơi thâo gum hrŏm bơnah sĭ mơdrô”.