VOV4.Jarai - Tơdơi kơ 3 hrơi pơphun dik dak hăng lu bruă mă tŭ yua “Jơnum ngui Sầu riêng Krông Pač tal 1 – 2022” pơđut laih amăng mơmot lơ 3/9. Pơphun mơng lơ 1/9 truh lơ 3/9, jơnum ngui hmâo ngă pơhư̆č năng ai ñu 40 rơbâo wot čô tuai nao pơ̆ Krông Pač. 15 bruă mă phun mơng jơnum ngui leng kơ hmâo tơlơi pơmin pha ra djă pioh amăng pran jua tuai hyu čuă lăng.

Ngă lơhet pơđut bruă jơnum ngui sầu riêng

Amăng anun, Jơnum ngui sang čơ lăi pơthâo hơdôm gơnam mă mơng đang hmua hăng 200 anih pơdă mơng hơdôm bôh anom bơwih ƀong, anom mă bruă pla pơkra, sĭ kơ dêh čar tač rơngiao amăng hăng gah rơngiao kơ tơring čar gum hrom ngă pơhư̆č tơlơi đing nao mơng rơbêh kơ 10 rơbâo wot čô tuai nao čuă lăng. “Jơnum pơtrut iâu pơthưr tuh pơplai hăng pơđĭ kyar gơnam mă mơng đang hmua, bruă đang hmua kơjăp phik tơring glông Krông Pač – thun 2022”, Jơnum min mơnuih ƀôn sang tơring glông Krông Pač hmâo kĭ pơkôl hră čih djă pioh hăng hơdôm bôh anom bơwih ƀong hmâo ngă hră rơkâo tuh pơplai 24 rơwang bruă gah tuai čuă ngui, pơtô pơhrăm, anom mă yua, ƀut sang măi, pơkra gơnam mă mơng đang hmua hăng rơbêh kơ 11.000 klai prăk./.

Siu H’ Prăk: Pơblang