VOV4.Jarai - Ngă tui Jơlan hơdră hơduah ĕp mơng Ding jum kơđi čar, Khul khua git gai Ping gah thun 2022, mơguah lơ 7/9, ƀơi Hà Nội, Grup hơduah ĕp kơđi tơlơi mơng Khul khua git gai Ping gah dêh čar, Khua anom pơtô bruă Ping gah dêh čar ơi Nguyễn Trọng Nghĩa ngă Khua khul hơmâo hyu hơduah ĕp ƀơi Anom bruă ping gah pơtruh hăng dêh čar tač rơngiao.

Pơhiăp ƀơi mông jơnum, Khua anom pơtô bruă Ping gah dêh čar ơi Nguyễn Trọng Nghĩa kiăng, Anom bruă ping gah pơtruh hăng dêh čar tač rơngiao kiăng thâo kơjăp hơdôm tơlơi pơtrun, tơlơi klah čun, tơlơi pơkă klă hloh dong, djơ̆ hăng tơlơi git gai črâo bruă mơng Ding jum kơđi čar, Khua mua git gai Ping gah amăng jơlan hơdră ngă bruă, akŏ bruă hơmâo pơkra. Laih dong lăi rơđah, Anom bruă ping gah pơtruh hăng čar rơngiao git gai, črâo bruă, ngă klă hơdôm tơlơi anai, kiăng pơtŏng glăi hơdôm tơlơi tơnap đah mơng pơsir hĭ. Hrŏm hăng anun, kiăng bang hyu hơdôm hơdră ngă bruă klă amăng hrơi mông akŏ pơdong Ping gah.

Siu H’Mai: Pơblang