VOV4.Jarai - Pơđĭ kyar bơwih ƀong huă - mơnuih mơnam tañ, hơđong kơjăp, abih bang hluai tui pơƀut djŏp tơlơi hơmâo đah mơng pơđĭ kyar tañ djŏp bruă, bruă dưi đĭ kyar, dưi pơhnô. Man pơdong plơi prong Buôn Ma Thuột jing plơi prong prong hloh ƀơi kual Dap Kơdư hăng sa kual Mơtah - Phrâo - Rơgơi, plơi prong rơgơi - anih pơtruh kual Dap Kơdư hăng amăng kual, laih anun jar kmar. Anai lĕ tơlơi pơmin pơđĭ kyar mơng tơring čar Dak Lăk hơmâo ba tơbiă ƀơi mông Jơnum pơgôp hiăp kơ hră dưm dăp čuk pơkra tơring Dak Lăk thun 2021-2030, anăp nao 2050 yua Jơnum min mơnuih ƀon sang tơring čar Dak Lăk pơphun amăng lơ 16/3.

Kiăng hơmâo tơlơi pơđĭ kyar prong, ƀing khua brơi thâo: tơring čar Dak Lăk kiăng pơtrut tañ bruă tuh pơ plai pơkra ring bruă, kơčăo bruă yôm phun đah mơng dưi pơtruh nao rai kual, biă ñu lĕ Anom bruă bơkơjăp drơi jăn kual Dap Kơdư, jơlan tơkuh nao rai gah ngŏ plơi prong Buôn Ma Thuột, jơlan rơdêh pơđuăi hmar Buôn Ma Thuột - Nha Trang, jơlan tơkuh nao rai Tuy Hòa - Buôn Ma Thuột; pơƀut pơđĭ kyar boh thâo măi mok, biă ñu boh thâo pôr pơhing. Hrŏm hăng anun, tơring čar kiăng čih pơkra hơdră pơtô pơjuăt mơnuih mă bruă, hơdră ngă pơhưč mơnuih mă bruă rơgơi.

Siu H’Mai: Pơblang