Jơnum pok pơhai tơlơi črâo trun mơng Khua git gai Ping gah kơ bruă pơhlôm rơnuk rơnua amăng jơlan glông
Thứ sáu, 10:13, 07/07/2023
VOV/Siu Đoan Pơblang
VOV/Siu Đoan Pơblang
VOV4.Jarai - “Kŏm ƀu brơi tek rơwek nao kơ bruă pơsir hơdôm tơlơi ngă soh lơ̆m đĭ rơdêh amăng jơlan glông kiăng pơhlôm ngă tui djơ̆ tơlơi phiăn, pơhlôm rơnuk rơnua amăng jơlan glông, sit biă ñu hăng ƀing apăn bruă Ping gah”.
Anai lĕ tơlơi rơkâo mơng yă Trương Thị Mai, Ding kơna Ding jum kơđi čar, Ding kơna Khul git gai Ping gah, Khua anom pơphun bruă Ping gah amăng jơnum hruă kjăp, pok pơhai tơlơi črâo trun mơng Khul git gai Ping gah dêh čar kơ bruă “Kơtưn tơlơi git gai mơng Ping gah hăng bruă pơhlôm rơnuk rơnua, hơđong amăng jơlan glông amăng rơnuk phrâo”.
Đĭ pơhiăp pơđut mông jơnum, yă Trương Thị Mai rơkâo, kiăng ngă tui ha amăng plĕ hơdôm bruă jao, hơdră bruă tui tơlơi črâo trun anai, sit biă ñu amăng bruă git gai, ngă tui hơdră bruă mơng Ping gah, tơlơi phiăn mơng Kơnuk kơna. Laih dong rơkâo ƀing apăn bruă Ping gah pơdah pran gơgrong hăng ba gru amăng pơhlôm rơnuk rơnua lơ̆m đuăi rơdêh amăng jơlan glông.
Viết bình luận